Home பிரதான செய்திகள் 20 ஓவர் உலக கிண்ண கிரிக்கெட் தொடா் இன்று ஆரம்பம்.

20 ஓவர் உலக கிண்ண கிரிக்கெட் தொடா் இன்று ஆரம்பம்.

by admin

16 அணிகள் பங்கேற்கும் 20 ஓவர் உலக கிண்ண கிரிக்கெட் போட்டி இன்று ஆரம்பமாகவுள்ளது. .
ஓமனில் 6 லீக் போட்டிகளும் து. மற்றைய போட்டிகள் ஐக்கிய அரபு அமீரகத்தில் உள்ள டுபாய், அபுதாபி, சார்ஜா ஆகிய நகரங்களிலும் நடைபெறவுள்ளன.

தரவரிசையில் முதல் 8 இடங்களை பிடித்த அணிகள் நேரடியாக சூப்பர்-12 சுற்றில் கால்பதிக்கும் நிலையில், தொடக்கத்தில் முதல் சுற்று போட்டிகள் நடைபெறுகின்றன.


முதல் சுற்றில் பங்கேற்கும் 8 அணிகளில் ‘ஏ’ பிரிவில் இலங்கை, அயர்லாந்து, நெதர்லாந்து, நமிபியாவும் ‘பி’ பிரிவில் பங்களாதேஸ் , ஸ்கொட்லாந்து, ஓமான், பப்புவா நியூ கினியா ஆகிய அணிகளும் இடம் பெற்றுள்ளன. ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை போட்டியிட்ட பின்னா் , இரு பிரிவிலும் முதல் -2 இடங்களை பிடிக்கும் அணிகள் சூப்பர் 12 சுற்றுக்கு முன்னேறும்.


சூப்பர் 12 சுற்றில் ஏற்கனவே குரூப்-1-ல் இங்கிலாந்து, அவுஸ்திரேலியா, தென்னாபிரிக்கா, மேற்கிந்தியதீவுகள் மற்றும் இரு முதல் சுற்று அணிகள், குரூப்-2-ல் இந்தியா, பாகிஸ்தான், நியூசிலாந்து, ஆப்கானிஸ்தான் மற்றும் இரண்டு முதல் சுற்று அணிகள் அங்கம் வகிக்கின்றன.

இதில் ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை விளையாடி முடிவில் இரு பிரிவிலும் முதல் 2 இடங்களை பிடிக்கும் அணிகள் அரைஇறுதிக்கு நுழையும்.


உலக கோப்பையை வெல்லும் அணிக்கு ரூ.12 கோடியும், 2-வது இடத்தை பெறும் அணிக்கு ரூ. 6 கோடியும் பரிசுத்தொகையாக வழங்கப்படும். முதல் நாளான இன்று மஸ்கட்டில் நடைபெறவுள்ள இரண்டு லீக் போட்டிகளில் ஓமான் மற்றும் பப்புவா நியூ கினியா அணிகள் முதலாவது போட்டியிலும் பங்களாதேஸ் மற்றும் ஸ்கொட்லாந்த் அணிகள் 2வது போட்டியிலும் விளையாடவுள்ளன.

2007-ம் ஆண்டு முதல் நடைபெற்று வருகின்ற 20 ஓவர் உலக கோப்பை கிரிக்கெட் போட்டயில் . கடைசியாக 2016-ம் ஆண்டில் நடந்த போட்டியில் மேற்கிந்தியதீவுகள் அணி கிண்ணத்தினை வென்றிருந்தமை குறிப்பி்டத்தக்கது

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More