உலகளவில் இசைக்கென வழங்கப்படும் விருதுகளில் மிகவும் முக்கியமான கிராமி விருதுக்கு ஏ.ஆர்.ரகுமானின் பாடல்கள் பரிந்துரை செய்யப்பட்டுள்ளன. இந்த ஆண்டுக்கான 64-வது கிராமி விருதுக்கு, தற்போது பாடல்கள் பரிந்துரை செய்யப்பட்டு வருகின்ற நிலையில் ஏ.ஆர்.ரகுமான் இசையமைப்பில் கீர்த்தி சனோன் நடிப்பில் இந்தியில் வெளியான ‘மிமி’ படத்தில் இடம்பெற்ற பாடல்களே இந்த விருதுக்காக பரிந்துரை செய்யப்பட்டுள்ளன.
இந்த தகவலை ஏ.ஆர்.ரகுமான். தனது டுவிட்டரில் பகிர்ந்து மகிழ்ச்சியை வெளிப்படுத்தியுள்ளார் ஏற்கனவே கடந்த 2009-ம் ஆண்டு ஸ்லம்டாக் மில்லியனர் படத்துக்காக இரண்டு ஒஸ்கர் விருதுகளை வென்ற ஏ.ஆர்.ரகுமான், அதே ஆண்டில் அந்த படத்திற்காக 2 கிராமி விருதுகளையும் வென்றுள்ளாா். தற்போது மீண்டும் அவர் இசையமைத்த பாடல்கள் கிராமி விருதுக்கு பரிந்துரை செய்யப்பட்டுள்ள நிலையில் அவருக்கு மீண்டும் கிராமி விருது கிடைக்கும் என எதிர்பார்க்கப்படுகிறது.
