மாவீரர் நாளை முன்னிட்டு கோப்பாய் துயிலும் இல்லத்தின் முன்பாகவுள்ள தனியார் காணியை துப்பரவு பணி செய்தவர்களை இராணுவத்தினர் ஒளிப்படங்கள் எடுத்து அச்சுறுத்தும் செயற்பாட்டில் ஈடுபட்டனர்.
கோப்பாய் துயிலும் இல்லம் அமைந்திருந்த காணியில் , துயிலும் இல்லங்களை உடைத்த இராணுவத்தினர் அங்கே பாரிய இராணுவ முகாமை அமைத்துள்ளார்கள்.
அதனால் மாவீரர் வாரம் துயிலும் இல்லம் அமைந்திருந்த காணிக்கு முன்பாகவுள்ள தனியார் காணியில் அனுஸ்டிக்கப்படுவது வழமை.
இம்முறையும் மாவீரர் வாரத்தை அனுஸ்டிக்கும் முகமாக குறித்த காணியை துப்பரவு செய்தவர்களை அங்கு, சிவில் உடையில் வந்த இராணுவத்தனர் புகைப்படங்களை எடுத்து அச்சுறுத்தும் முகமாக நடந்து கொண்டனர்.
