கந்தகாடு சிகிச்சை மற்றும் புனர்வாழ்வு மையத்தில் நேற்று (12.01.24) இடம்பெற்ற பதற்றமான சூழ்நிலையில் தப்பியோடிய 10 கைதிகள் இன்று (13.01.24) காலை புலஸ்திபுர காவல் நிலையத்தில் சரணடைந்துள்ளனர்.
உணவுப் பிரச்சினையால் புனர்வாழ்வு மையத்தில் அமைதியின்மை ஏற்பட்டது.
கந்தகாடு சிகிச்சை மற்றும் புனர்வாழ்வு நிலையத்தில் போதைப்பொருளுக்கு அடிமையான கைதிகள் சில வாரங்களுக்கு முன்னர் பல்வேறு காரணங்களுக்காக அவ்வப்போது மோதிக் கொண்டனர்.
நேற்று பிற்பகல் 2.00 மணியளவில் உணவு தொடர்பாக இரண்டு கைதிகளுக்கு இடையில் மோதல் ஏற்பட்டுள்ளது. அங்கு சுமார் 24 கைதிகள் காயமடைந்து வெலிகந்த வைத்தியசாலையில் அனுமதிக்கப்பட்டுள்ளனர்.
இதன்போது ஆபத்தான நிலையில் இருந்த 3 பேர் பொலன்னறுவை பொது வைத்தியசாலைக்கு மாற்றப்பட்டுள்ளனர்.
மோதலில் ஈடுபட்ட 64 பேரை வெலிகந்த காவவற்துறையினர் கைது செய்துள்ளனர்.
இதேவேளை, மோதலின் போது கைதிகள் குழுவொன்று தப்பிச் சென்றதுடன், இதுவரை 28 கைதிகள் கண்டுபிடிக்கப்படவில்லை.
இன்று காலை பெரியாறு கங்கை அருகில் 10 கைதிகள் காவற்துறையில் சரணடைந்தனர்.
