வேட்புமனு தாக்கல் செய்யும் காலம் இன்றுடன் நிறைவு

2024 பொதுத் தேர்தலுக்கான வேட்புமனு தாக்கல் செய்யும் காலம் இன்று(11) நண்பகல் 12 மணியுடன் நிறைவடைகின்றது. பிரதான அரசியல் கட்சிகள் மற்றும் சுயேட்சைக் குழுக்கள் இன்று வேட்புமனுக்களை தாக்கல் செய்யவுள்ள நிலையில் மாவட்ட தேர்தல் தெரிவத்தாட்சி அலுவலகங்களை அண்மித்த பகுதிகளில் பாதுகாப்பும் பலப்படுத்தப்பட்டுள்ளது.  இதேவேளை நண்பகல் 12 மணியிலிருந்து பிற்பகல் 1.30 வரையான காலப்பகுதிக்குள் ஆட்சேபனைகளை முன்வைக்க முடியும் என தேசிய தேர்தல்கள் ஆணைக்குழு  தொிவித்துள்ளது.

இம்முறை பொதுத் தேர்தலுக்கு அங்கீகரிக்கப்பட்ட அரசியல் கட்சிகளுடன் 241 சுயேட்சை குழுக்கள் வேட்புமனுக்களை தாக்கல் செய்துள்ளதாகவும்  349  சுயேட்சைக் குழுக்கள்  கட்டுப்பணம் செலுத்தியுள்ளதாகவும் தேர்தல்கள் ஆணைக்குழு அறிவித்துள்ளது.