மேற்கிந்திய தீவுகள் அணிக்கெதிரான முதலாவது ஒரு நாள் சர்வதேச கிரிக்கெட் போட்டியில் இந்திய அணி 8 விக்கெடடுக்களால் வெற்றியீட்டியுள்ளது. இந்தியாவில் சுற்றுப்பயணம் மேற்கொண்டு விளையாடி வரும் மேற்கிந்திய தீவுகள் அணி டெஸ்ட் தொடரை 0-2 என்ற கணக்கில் இழந்துள்ள நிலையில் 5 போட்டிகள் கொண்ட ஒரு நாள் தொடரில் விளையாடி வருகின்றது.
அந்தவகையில் இன்று நடைபெற முதலாவது ஒருநாள் போட்டியில் நாணயச்சுழற்சியில் வென்ற இந்தியா களத்தடுப்பினை தெரிவு செய்தது. இதனையடுத்து முதலில் துடுப்பெடுத்தாடிய மேற்கிந்திய தீவுகள் அணி நிர்ணயிக்கப்பட்ட 50 ஓவர்களில் 8 விக்கெட்கள் இழப்பிற்கு 322 ஓட்டங்களைப் பெற்றது.
இதனையடுத்து 323 ஓட்டங்கள் என்ற வெற்றி இலக்குடன் களமிறங்கிய இந்திய அணி 42.1 வது ஓவரில் 326 ஓட்டங்களை எடுத்து வெற்றி பெற்றுள்ளது. இந்தநிலையில் 5 போட்டிகள் கொண்ட ஒருநாள் தொடரில் இந்திய அணி 1-0 என்ற கணக்கில் முன்னிலை பெற்றுள்ளது.
