டெல்லியின் முன்னாள் முதலமைச்சர் மதன் லால் குரானா காலமானார்

பாரதிய ஜனதா கட்சியின் சிரேஸ்ட அரசியல் தலைவர்களில் ஒருவரும், டெல்லியில் முன்னாள் முதலமைச்சருமான மதன்லால் குரானா காலமானார். மதன்லால் குரானா 1936ஆம் ஆண்டு பிறந்தவர். 82 வயதான இவர், 1993-96 ஆகிய காலகட்டத்தில் டெல்லியின் முதலமைச்சராக பதவி வகித்துள்ளார்.

இந்து அமைப்பான ஆர்.எஸ்.எஸ். அமைப்பின் தீவிர பிரச்சாகராக இருந்த மதன்லால் குரானா 2004-ம் ஆண்டு ராஜஸ்தான் மாநிலத்தில் ஆளுநராகவும் பதவி வகித்துள்ளார். வயது மூப்பினால் ஏற்படும் உடல்நலக்குறைபாடுகளால் பாதிக்கப்பட்டு வந்த மதன்லால் குரானா டெல்லியில் இன்று காலமானதாக இந்திய செய்திகள் தெரிவிக்கின்றன.