பொத்துவிலில் மின்னல் தாக்கி இருவர் பலி

அம்பாறை, பொத்துவில் கிரான்கோவை வயல் பிரதேசத்தில் நேற்று மாலை மின்னல் தாக்கியதில் இரு விவசாயிகள் உயிரிழந்துள்ளதாக தெரிவிக்கப்பட்டுள்ளது.  பொத்துவில் நான்காம் வாட்டைச் சேர்ந்த 62 வயதுடைய ஒருவரும் பொத்துவில் 07ஆம் வாட்டைச் சேர்ந்த 65 வயது மதிக்கத்தக்க ஒருவருமே இவ்வாறு உயிரிழந்துள்ளதாக தெரிவிக்கப்பட்டுள்ளது.

இருவரும் வயல் வேலைகளில் ஈடுபட்டுக் கொண்டிருந்த வேளையிலேயே மின்னல் தாக்குதலுக்கு இலக்காகி உயிரிழந்துள்ளதாக சம்பவத்தினை நேரில் கண்டவர்கள் தெரிவித்துள்ளனர். இருவரது சடலமும் பிரதேச பரிசோதனைக்காக பொத்துவில் ஆதார வைத்தியசாலையில் வைக்கப்பட்டுள்ளதுடன் இது தொடர்பான மேலதிக விசாரணைகளை பொத்துவில் காவல்துறையினர்; மேற்கொண்டு வருகின்றனர்.