மஹிந்த தலைமையிலான அமைச்சரவைக்கு விதிக்கப்பட்ட தடை தொடரும்…

பிரதமராக நியமிக்கப்பட்ட  மஹிந்த ராஜபக்ஸ மீதும், அவரது  அமைச்சரவையின் நடவடிக்கைகள் மீதும்  தடை விதிக்கும்  வகையில் மேன்முறையீட்டு நீதிமன்றத்தினால் பிறப்பிக்கப்பட்ட இடைக்காலத் தடையுத்தரவை இரத்து செய்ய உச்ச நீதிமன்றம் மறுப்புத் தெரிவித்துள்ளது.

மஹிந்த ராஜபக்ஸவின் மேன்முறையீட்டு மனு மீதான விசாரணையை மீண்டும் எதிர்வரும் ஜனவரி 16, 17, 18 ஆம் திகதிகளில் விசாரிக்க உச்ச நீதிமன்றம் தீர்மானித்துள்ளது.

அத்துடன், மஹிந்த ராஜபக்ஸவும் எனைய 48 உறுப்பினர்களும் வழக்கு விசாரணை நிறைவு பெறும் வரை தமது பொறுப்புக்களை வகிப்பதில் இருந்து விலகியிருக்க வேண்டும் எனவும் அறிவிக்கப்பட்டுள்ளது.