தமிழக தலைமைச் செயலாளர் ராம மோகன ராவ் மற்றும் அவரது மகன் வீடு உள்ளிட்ட பல்வேறு இடங்களில் வருமான வரித்துறை அதிகாரிகள் இன்று சோதனை நடத்தியுள்ளனர். கணக்கில் வராத பணத்தை பதுக்கி வைத்திருக்கும் நபர்கள், முறைகேடான வகையில் பணத்தை புதிய தாள்களாக மாற்றுவதாக எழுந்த முறைப்பாடுகளை தொடர்ந்து இந்தியாவின் பல்வேறு இடங்களில் வருமான வரித்துறையினர் சோதனை நடத்தி வருகின்றனர்.
அண்மையில்; சென்னையில் தொழிலபதிபர் சேகர் ரெட்டியின் வீட்டில் சோதனை நடத்திய அதிகாரிகள், 100 கோடி ரூபாக்கும் அதிகமான பணத்தை பறிமுதல் செய்தனர். இந்தநிலையில், தமிழக தலைமைச் செயலாளர் ராம மோகன ராவ் வீட்டில் வருமான வரித்துறை அதிகாரிகள் இன்று காலை முதலே சோதனை நடத்திவருகின்றனர்.
சென்னை அண்ணா நகரில் உள்ள அவரது வீட்டிலும், அவரது மகன் வீட்டிலும் சோதனை நடைபெற்று வருகிறதென இந்திய செய்திகள் தெரிவிக்கின்றன.
