185
தமிழகத்தில் பாராளுமன்ற தேர்தல் மற்றும் சட்டசபை இடைத்தேர்தல் கடந்த 18ம் திகதி நடைபெற்ற நிலையில் வேலூர் மக்களவை தொகுதி தவிர ஏனைய 38 தொகுதிகளுக்கான வாக்குப்பதிவு நடைபெற்றிருந்த நிலையில் மே 19-ம் திகதி அரவக்குறிச்சி, சூலூர், ஓட்டப்பிடாரம் மற்றும் திருப்பரங்குன்றம் ஆகிய 4 தொகுதிகளுக்கான இடைத்தேர்தல்கள் நடைபெறும் என தேர்தல் ஆணையகம் அறிவித்திருந்தது.
இந்தநிலையில் அரவக்குறிச்சி, சூலூர் உள்ளிட்ட தொகுதிகளுக்கு இடைத்தேர்தல் நடத்தும் அலுவலர்கள் நியமனம் செய்யப்பட்டு உள்ளனர்.
இந்த 4 சட்டமன்ற தொகுதிகளுக்கும் வேட்புமனு தாக்கல் இன்று ஆரம்பமாகி 29-ம் திகதிவரை நடைபெறவுள்ளது.
மனுக்கள் மீதான பரிசீலனை 30-ம் திகதி நடைபெற்று தொகுதிகளுக்கும் வேட்பாளர் இறுதிப்பட்டியல் வெளியிடப்பட்டு மே 19-ம் திகதி வாக்குப்பதிவு நடத்தப்படும் என்பது குறிப்பிடத்தக்கது.
Spread the love
