பாரீஸ் நகரில் நடைபெற்று வருகின்ற கிராண்ட்ஸ்லாம் போட்டிகளில் ஒன்றான பிரெஞ்ச் ஓபன் டென்னிஸ் தொடரில் நோவக் ஜோகோவிச் மற்றும் டொமினிக் தீம் ஆகியோர் அரையிறுதிக்கு முன்னேறியுள்ளனர்.
நேற்றையதினம் நடைபெற்ற ஆண்களுக்கான காலிறுதி போட்டி ஒன்றில் உலகின் முதல்தரவீரரான செர்பியா நாட்டை சேர்ந்த நோவக் ஜோகோவிச் ஜெர்மனியைச் சேர்ந்த அலெக்சாண்டர் வெரெவுடன் போட்டியிட்ட நிலையில் ஜோகோவிச் 7-5, 6-2, 6-2 என்ற செட் கணக்கில் வென்று அரையிறுதிக்கு முன்னேறியுள்ளார்.
அதேவேளை மற்றுமொரு காலிறுதிப் போட்டியில் ஒஸ்ரியா நாட்டின் டொமினிக் தீம் ரஸ்யா நாட்டின் கரென் கச்சனோவுடன போட்டியிட்டு 6-2, 6-4, 6-2 என்ற செட் கணக்கில் வெற்றி பெற்று அரையிறுதி சுற்றுக்கு முன்னேறியுள்ளார்
இதனைத் தொடர்ந்து இன்று மாலை நடைபெறவுள்ள அரையிறுதி போட்டிகளின் ஒரு போட்டியில் ரொஜர் பெடரரும், ரபெல் நடாலும் போட்டியிட மற்றொரு போட்டியில் ஜோகோவிச்சும், தீமும் போட்டியிடவுள்ளனர் என்பது குறிப்பிடத்தக்கது
#Novak Djokovic #Dominic Thiem #பிரெஞ்ச் ஓபன் டென்னிஸ் #அரையிறுதி,
