156
வேலணை பகுதியில் கற்றாளை பிடுங்கி , அதனை கடத்திய இருவரை ஊர்காவற்துறை காவல்துறையினர் நேற்று வியாழக்கிழமை கைது செய்துள்ளனர். வேலணை சாட்டி கடற்கரையை அண்டிய பகுதிகளில் கற்றாளைகளை பிடுங்கி அதனை இருவர் கடத்தி செல்வதாக கிடைத்த தகவலின் அடிப்படையில் சம்பவ இடத்திற்கு சென்ற ஊர்காவற்துறை காவல் நிலைய உப காவல்துறை பரிசோதகர் விவேகானந்தராஜ் தலைமையில் சென்ற காவல்துறையினர் கற்றாளை கடத்திய இருவரை கைது செய்துடன், அவர்கள் கடத்தி சென்ற 2 ஆயிரம் கற்றாளைகளையும் பறிமுதல் செய்தனர்
அத்துடன் கற்றாளை கடத்த பயன்படுத்திய பட்டா ரக வாகனத்தையும் பறிமுதல் செய்துள்ளனர். கைது செய்யப்பட்டவர்களையும் , பறிமுதல் செய்த வாகனத்தையும் , கற்றாளையையும் ஊர்காவற்துறை நீதிவான் நீதிமன்றில் முற்படுத்த காவல்துறையினருக்கு நடவடிக்கை எடுத்துள்ளனர்.
#வேலணை #கற்றாளை #கைது
Spread the love
