“உண்மையான இலங்கையர்களாக எம்முடன் இணைந்து பயணியுங்கள்” சிறுபான்மையினருக்கு அழைப்பு’

உண்மையான இலங்கையர்களாக இருக்கவேண்டும் என்பனால்தான் சமஸ்டி மற்றும் சுயநிர்ணய உரிமை குறித்து இவளவு தமிழின அழிப்பின் பின்னரும் தமிழர்களால் பேசப்படுகிறது. இந்த யதார்த்தை முதலில் சிங்கள ஆட்சியாளர் முதல் கடும்போக்காளர்வரை உணர்வதோடு, இலங்கையின் பூர்வீகக்குடிகள் கேட்கும் சமபங்காளர் என்ற உரிமையையும் ஏற்பதனூடாக மட்டுமே இலங்கையர் என்றஉணர்வைப் பெற வைக்கமுடியும். தவிர ஆட்சி அதிகாரக் கைப்பற்றலுக்காகவும், சிங்கள பௌத்தமயமாக்கலுக்காவும், சிங்களப் பெருன்மையைக் காட்டித் தமிழரை அச்சுறுத்தவும் ‘உண்மையான இலங்கையர்’ என்ற சொல்லாடல் பயன்படுத்தப்படுமாயின் அது இலங்கைக்குத் தோல்வியையே பரிசளிக்கும். யுத்தவெற்றியின்போதும், இதே சொல்லாடலூகத் தமிழினத்தை ஒடுக்கியதை மீண்டும் புதிய அரசுத்தலைமை முன்வைப்பதானது ஒருவகை அச்சுறுத்தலேயன்றி வேறில்லை. எனவே முதலில் தமிழர்கள் இலங்கையராக வேண்டின் சிங்கள அரசு திறந்த மனதோடு செயற்படுவதும், தமிழரைச் சமதரப்பாக ஏற்பதும் நிகழ வேண்டும். அப்போதுதான் ‘உண்மையான இலங்கையர்’ என்பது பயன்படும்.