முல்லைத்தீவு – ஒட்டுசுட்டான் காவல்துறைப் பிரிவுக்கு உட்பட்ட ஒட்டுசுட்டான் நகர் பகுதியில் இடம்பெற்ற வாகன விபத்தில் 12 பேர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர்.
முல்லைத்தீவு மாங்குளம் வீதியில் ஒட்டுசுட்டான் சிவன் ஆலயத்திற்கு முன்பாக உள்ள பேருந்து தரிப்பிடத்திற்கு அருகில் மாங்குளம் நோக்கிய திசையில் பயணித்த பிக்கப் ரக வாகனம் திடீரென மீண்டும் முல்லைத்தீவு பக்கமாக திரும்ப முற்பட்ட வேளை, மாங்குளம் நோக்கி வருகை தந்த வாகனம் குறித்த வாகனத்துடன் மோதி இந்த விபத்து ஏற்பட்டுள்ளது.
இதன்போது வாகனத்தில் பயணித்த 12 பேர் காயமடைந்த நிலையில், அருகில் இருந்தவர்களால் மீட்கப்பட்டு நோயாளர் காவு வண்டி ஊடாக முல்லைத்தீவு மாவட்ட வைத்தியசாலைக்கு அனுப்பி வைக்கப்பட்டுள்ளனர்.
குறித்த விபத்து தொடா்பில் ஒட்டுசுட்டான் காவல்துறையினா் மேலதிக விசாரணைகளை மேற்கொண்டு வருகின்றனர். #முல்லைத்தீவு #ஒட்டுசுட்டான் #விபத்து
