யாழ்ப்பாணம் கோப்பாய் – கைதடி வீதியில் இடம்பெற்ற கோர விபத்தில் இளம் குடும்ப பெண்ணொருவர் உயிரிழந்துள்ளார்.
குறித்த வீதியூடாக மோட்டார் சைக்கிளில் தம்பதியினர் சென்றுகொண்டிருந்த வேளை, பின்னால் வந்த டிப்பர் வாகனம் அவர்களை முந்தி செல்ல முற்பட போது , மோட்டார் சைக்கிளுடன் மோதி விபத்து இடம்பெற்றுள்ளது.
விபத்தின் போது பின் இருக்கையில் இருந்த பெண் டிப்பர் பக்கம் விழுந்தமையால் டிப்பரின் சில்லுக்குள் அகப்பட்டு சம்பவ இடத்திலையே உயிரிழந்துள்ளார். பெண்ணின் கணவன் மற்றைய பக்கம் விழுந்ததால் , சிறு காயங்களுடன் தப்பியுள்ளார் என ஆரம்ப கட்ட விசாரணைகளில் தெரியவந்துள்ளது.
டிப்பர் சாரதி கோப்பாய் காவல்துறையினரினால் கைது செய்யப்பட்டுள்ள நிலையில் காவல்துறையினர் மேலதிக விசாரணைகளை முன்னெடுத்துள்ளனர்.
