வடக்கு மாகாணத்தில் தொடரும் கனமழை காரணமாக பல பிரதேசங்கள் வெள்ளத்தினால் பாதிக்கப்பட்டுள்ளன.
இன்று காலை 7 மணிதொடக்கம் அடுத்த 24 மணிநேரத்துக்கு கனமழை வீழ்ச்சி ஏற்படும் என வளிமண்டலவியல் திணைக்களம் எச்சரித்துள்ளது.
அந்நிலையில் கனமழை பொழிந்து வருவதனால் , யாழின் பல பகுதிகளில் வெள்ளப்பாதிப்பு ஏற்பட்டுள்ளது.
யாழ். மாவட்ட பாடசாலைகளுக்கு இன்று விடுமுறை!
யாழ்ப்பாணம் மாவட்ட பாடசாலைகளுக்கு இன்று விடுமுறை வழங்கப்படுவதாக மாவட்டச் செயலாளர் க.மகேசன் அறிவித்துள்ளார்.
யாழ்ப்பாணம் மாவட்டத்தில் பல பிரதேசங்களில் கடந்த சில மணித்தியாலங்களில் 200 மில்லிமீற்றர் கனமழை பதிவாகியுள்ளதாக திருநெல்வேலி வானிலை அவதான நிலையம் அறிக்கையிட்டுள்ளது.
அதனால் மாவட்டத்தில் பெரும் பகுதி வெள்ளப் பாதிப்பு ஏற்பட்டுள்ளது. அதனால் யாழ்ப்பாணம் மாவட்ட பாடசாலைகளுக்கு இன்று விடுமுறை வழங்கப்படுகிறது.
மாகாண ஆளுநருடன் ஆலோசித்து இந்தத் தீர்மானம் எடுக்கப்பட்டது” என்று யாழ்ப்பாணம் மாவட்டச் செயலாளர் க.மகேசன் தெரிவித்தார்.
