144
நண்பனின் பிறந்தநாள் நிகழ்வுக்காக சென்று, நோட்டன் பிரிஜ் எபடின் நீர்வீழ்ச்சியில் நீராடிக்கொண்டிருந்த போது காணாமல்போன இளைஞனை கினிகத்ஹேன காவல்துறையினா் தேடிவருகின்றனர். கினிகத்ஹேனையிலுள்ள வர்த்தக நிலையமொன்றில் பணியாற்றி வந்த பொகவந்தலாவை, லின்ஸ்டன் தோட்டத்தைச் சேர்ந்த கிருஷ்ணன் விதுஷான் (17) என்ற இளைஞனே இவ்வாறு காணாமல் போயுள்ளார்.
அவா் பணியாற்றும் வர்த்தக நிலையத்தில் பணியாற்றும் ஏனைய பணியாளர்களுடன் இன்று (28) காலை சென்று குளித்துக்கொண்டிருந்த போதே, நீரில் மூழ்கி காணாமல் போயுள்ளார்.சம்பவம் தொடர்பில் கினிகத்ஹேன காவல் நிலையத்துக்கு வழங்கப்பட்ட தகவல்களை அடுத்தே பிரதேசவாசிகளுடன் இணைந்து காவல்துறையினா் இளைஞனை தேடிவருகின்றனர்.
Spread the love
