இளைஞன் உயிர்மாய்த்தமை தொடர்பில் வாக்குமூலம் அளிக்க யாழ் காவல் நிலையம் சென்ற பெண் உயிரிழப்பு

குறித்த சம்பவம் தொடர்பில் விசாரணைகளை முன்னெடுத்த யாழ்ப்பாண காவல்துறையினர் , இளைஞன் தங்கியிருந்த வீட்டின் மற்றுமொரு அறையில் தங்கியிருந்த வயோதிப பெண்மணியை வாக்குமூலம் வழங்க வருமாறு இன்றைய தினம் புதன்கிழமை  யாழ்ப்பாண  காவல் நிலையத்திற்கு அழைத்திருந்தனர்

அதன் அடிப்படையில் வாக்குமூலம் அளிக்க  காவல் நிலையம் சென்றிருந்த பெண்மணி , திடீர் சுகவீனமுற்று  காவல் நிலையத்தில் மயங்கி விழுந்துள்ளார்.  அதனை அடுத்து நோயாளர் காவு வண்டி மூலம் பெண்மணியை யாழ்.போதனா வைத்தியசாலைக்கு அழைத்து சென்ற போது , பெண்மணி உயிரிழந்துவிட்டதாக வைத்தியர்கள் அறிக்கையிட்டனர்.

உடற்கூற்று பரிசோதனைக்காக யாழ்.போதனா வைத்தியசாலையில் சடலம் ஒப்படைக்கப்பட்டுள்ள நிலையில் , திடீர் மரண விசாரணை அதிகாரி ந. பிரேமகுமார் மரண விசாரணைகளை முன்னெடுத்தார். அதன் போது , வயோதிப பெண்மணியின் உறவினர்கள் கொழும்பில் வசித்து வருவதாகவும் , யாழ்ப்பாணத்தில்  தனியாகவே வசித்து வந்ததாகவும் , மலர் என அழைக்கப்படும் அவரது வயது 75 எனவும் விசாரணையில் தெரிவிக்கப்பட்டுள்ளது.

அதேவேளை உயிர்மாய்த்த இளைஞன் , கடந்த சில தினங்களாக மனவிரக்தியில்  காணப்பட்டதாகவும் , நேற்றைய தினம் இரவு சத்தி எடுத்தார் எனவும் , பின்னர் தான் அவருக்கு தேநீர் ஊற்றி கொடுத்து விட்டு , தூங்க சென்ற பின்னர் இளைஞன் இவ்வாறான முடிவெடுத்து உயிர்மாய்ப்பார் என தான் எதிர்பார்க்கவில்லை என வயோதிப பெண்மணி  காவல்துறையினருக்கு தெரிவித்து , இளைஞனின் உயிர் இழப்பில் கவலையில் இருந்தார் என காவல்துறையினர் தெரிவித்தனர்.