யாழில். இரண்டு வருடங்களின் பின் முகமூடி கொள்ளை சந்தேகநபர்கள் கைது

கடந்த 2021ஆம் ஆண்டு ஒக்டொபர்  மாதம்  16ஆம் திகதி அல்வாய் பகுதியில் உள்ள வீடொன்றினுள் புகுந்த மூன்று பேர் கொண்ட முகமூடி கொள்ளை கும்பல் , நகை பணம் மற்றும் தொலைபேசி என்பவற்றை கொள்ளையடித்து சென்று இருந்தது.

சம்பவம் தொடர்பில் பருத்தித்துறை  காவல்நிலையத்தில் முறைப்பாடு செய்யப்பட்ட நிலையில் , முறைப்பாட்டின் பிரகாரம்  காவல்துறையினா்  விசாரணைகளை முன்னெடுத்து வந்தனர். இந்நிலையில், சந்தேக நபர்கள் தலைமறைவாகி இருந்த நிலையில் ,  சுமார் 2 வருட கால பகுதிக்கு பின்னர் நேற்றைய தினம் சனிக்கிழமை இருவரை கைது செய்துள்ளனர்.

மேலும் ஒரு சந்தேகநபர் தொடர்ந்தும் தலைமறைவாக உள்ள  நிலையில் அவரை கைது செய்வதற்கு நடவடிக்கை எடுத்துள்ள காவல்துறையினர் , கைது செய்யப்பட்ட நபர்களை விசாரணைக்கு உட்படுத்தி வருகின்றனர்.