எலான் மஸ்க்கின் ‘Starlink’-க்கு சவால்! விண் வெளியில் சீனாவின் பிரம்மாண்ட ‘மெகா’ திட்டம்!

by admin January 17, 2026

written by admin January 17, 2026

விண்வெளி ஆதிக்கத்தில் அடுத்த கட்டத்திற்கு நகர்ந்துள்ள சீனா, சுமார் 2,00,000 செயற்கைக்கோள்களை விண்ணில் செலுத்துவதற்கான தனது அதிரடித் திட்டத்தை சர்வதேச தொலைத்தொடர்பு ஒன்றியத்திடம் (ITU) சமர்ப்பித்துள்ளது.

எலான் மஸ்க்கின் SpaceX Starlink நிறுவனம் தற்போது விண்வெளி இணையச் சேவையில் (Satellite Internet) முன்னிலையில் உள்ள நிலையில், அதற்குப் போட்டியாக இந்த மெகா திட்டத்தை சீனா முன்னெடுத்துள்ளது.

சீனா மொத்தம் 14 விண்மீன் குழுமங்களாக (Constellations) இந்த 2 லட்சம் செயற்கைக்கோள்களை நிலைநிறுத்தத் திட்டமிட்டுள்ளது. இதில் CTC-1 மற்றும் CTC-2 ஆகிய இரண்டு திட்டங்கள் மட்டுமே தலா 96,700-க்கும் அதிகமான செயற்கைக்கோள்களைக் கொண்டிருக்கும்.

உலகம் முழுவதும் தடையற்ற அதிவேக இணையச் சேவையை வழங்குவது மற்றும் விண்வெளி சுற்றுப்பாதையில் (Orbital slots) தனது உரிமையை நிலைநாட்டுவது சீனாவின் முக்கிய நோக்கமாகும்.

தற்போது Starlink வசம் சுமார் 6,000+ செயற்கைக் கோள்கள் செயல்பாட்டில் உள்ளன. சீனாவின் இந்தத் திட்டம் செயல்பாட்டுக்கு வரும்போது, இது Starlink-ன் எண்ணிக்கையை விட பல மடங்கு அதிகமாக இருக்கும்.

இதற்காக சீனா தனது ‘லாங் மார்ச்’ (Long March) ராக்கெட்டுகளை மேம்படுத்தி வருவதுடன், மீண்டும் பயன்படுத்தக்கூடிய (Reusable) ராக்கெட் தொழில்நுட்பத்திலும் தீவிரமாக ஈடுபட்டுள்ளது.

விண்வெளியில் இவ்வளவு அதிகமான செயற்கைக்கோள்கள் ஏவப்படுவது, விண்வெளிக் குப்பைகள் (Space Debris) அதிகரிப்பதற்கும், மற்ற நாடுகளின் செயற்கைக்கோள்களுடன் மோதல் ஏற்படும் அபாயத்திற்கும் வழிவகுக்கும் என ஆய்வாளர்கள் கவலை தெரிவிக்கின்றனர்.