🏛️ IMF இன் முகாமைத்துவ பணிப்பாளர்  இலங்கை பயணம்:  

சர்வதேச நாணய நிதியத்தின் (IMF) முகாமைத்துவ பணிப்பாளர் கிறிஸ்டலினா ஜோர்ஜீவா எதிர்வரும் வாரத்தில் இலங்கைக்கு மிக முக்கிய பயணம் ஒன்றை மேற்கொள்ளவுள்ளாா். பொருளாதார நெருக்கடி மற்றும் இயற்கை அனர்த்தங்களுக்குப் பின்னர் இலங்கை மீண்டு வரும் நிலையில், அவரது இந்தப் பயணம் சர்வதேச ரீதியில் அதிக கவனம் பெற்றுள்ளது.

பெப்ரவரி 16 முதல் 18 வரை வரை இலங்கையில் தங்கியிருக்கும் அவா் இலங்கையைத் தாக்கிய ‘டிட்வா’ (Didwa) சூறாவளியால் ஏற்பட்ட பாதிப்புகளை நேரில் பார்வையிடவுள்ளார். இந்த இயற்கை அனர்த்தம் இலங்கையின் உட்கட்டமைப்பிற்குப் பெரும் சவாலாக அமைந்தது.

மேலும் ஜனாதிபதி அனுரகுமார திஸாநாயக்க மற்றும் அரசாங்கத்தின் உயர்மட்டப் பிரதிநிதிகளைச் சந்தித்து, நாட்டின் பொருளாதார மறுசீரமைப்பு மற்றும் எதிர்காலத் திட்டங்கள் குறித்துக் கலந்துரையாடுவார். கடந்த டிசம்பரில், சூறாவளி அனர்த்தத்தை முன்னிட்டு IMF வழங்கிய 206 மில்லியன் டொலர் அவசர நிதியுதவி எவ்வாறு பயன்படுத்தப்பட்டுள்ளது என்பதையும் அவர் மீளாய்வு செய்வார்.

இலங்கை IMF-உடன் செய்துகொண்டுள்ள கடன் ஒப்பந்தங்களின் அடுத்தகட்ட நகர்வுகள் மற்றும் பொருளாதார நிலைத்தன்மை குறித்து இந்தச் சந்திப்பின் போது விரிவாக ஆராயப்படும் என எதிர்பார்க்கப்படுகிறது. அனர்த்தத்திற்குப் பின்னரான இலங்கையின் மீண்டெழும் திறனை (Resilience) இந்த பயணம் உறுதிப்படுத்தும்.

Tag Words:
#IMF #KristalinaGeorgieva #AnuraKumaraDissanayake #CycloneDidwa #SriLankaEconomy #RecoveryFunds #LKA #BreakingNews