165
இஸ்ரேலின் வர்த்தக மையமான டெல் அவிவ் நகரை இலக்கு வைத்து நடத்தப்பட்ட ஏவுகணைத் தாக்குதல்களில், நகரின் 11 வெவ்வேறு இடங்களில் சிதறல்கள் (Shrapnel) விழுந்துள்ளதாக அந்நாட்டு ஊடகங்கள் செய்தி வெளியிட்டுள்ளன.
இந்தத் தாக்குதலின் போது ஏற்பட்ட நேரடிப் பாதிப்புகள் மற்றும் சிதறல்கள் விழுந்த பகுதிகளில் காவற்துறை மற்றும் சிவில் பாதுகாப்புப் படையினர் (Civil Defense) இணைந்து மீட்புப் பணிகளை முன்னெடுத்து வருகின்றனர்.
இந்தத் தாக்குதலில் சிக்கி ஆரம்பகட்ட தகவல்களின்படி, பொதுமக்கள் தரப்பில் ஒருவர் உயிரிழந்துள்ளதாகவும், பலர் காயமடைந்துள்ளதாகவும் உறுதிப்படுத்தப்பட்டுள்ளது.
காயமடைந்தவர்கள் உடனடியாக மருத்துவமனைகளுக்குக் கொண்டு செல்லப்பட்டுள்ளனர். சேத விபரங்களை மதிப்பீடு செய்யும் பணிகள் தீவிரமாக நடைபெற்று வரும் நிலையில், பாதுகாப்புப் படையினர் பொதுமக்களை எச்சரிக்கையுடன் இருக்குமாறு அறிவுறுத்தியுள்ளனர்.
Spread the love
