அமெரிக்க ரூஸ்வெல்ட் தீவில், உலங்கு வானூர்தி ஆற்றில் விழுந்தது – இருவர் பலி…

நியூயார்க்:

அமெரிக்காவின் நியூயார்க் அருகே உள்ள ரூஸ்வெல்ட் தீவில்    புகைப்படங்கள் எடுக்க படப்பிடிப்பாளர்கள், ஒரு உலங்கு வானூர்தியை  வாடகைக்கு எடுத்து அங்கு சென்று கொண்டிருந்தனர். உலங்கு வானூர்தியில் 6 பேர் பயணம் செய்தனர்.

ரூஸ்வெல்ட் தீவு அருகே சென்றபோது உலங்கு வானூர்தியில்  திடீர் கோளாறு ஏற்பட்டு நியூயார்க் அருகே ஓடும் கிழக்கு ஆற்றில் விழுந்து நொறுங்கியது. இந்த விபத்தில் 2 பேர் பரிதாபமாக இறந்தனர்.

மீட்பு பணியில் நீச்சல் வீரர்கள் மற்றும் தீயணைப்பு படை வீரர்கள் ஈடுபட்டனர். அவர்கள் உலங்கு வானூர்தியுடன் ஆற்றில் மூழ்கிய 3 பேரை உயிருடன் மீட்டனர். அவர்களின் நிலைமை கவலைக்கிடமாக உள்ளது. விமானி மட்டும் நீந்தி கரை ஏறியதாக தெரிவிக்கப்படுகிறது.