தூத்துக்குடியில் நடைபெற்ற துப்பாக்கிச் சூட்டை கண்டித்து தமிழகம் முழுவதும் இன்று தமிழகம் முழுவதும் கடையடைப்பு மேற்கொள்ளப்படுகின்றது. தமிழ்நாடு வணிகர் பேரவை சங்கத்தின் தலைவர் வெள்ளையன் கடையடைப்பு நடத்த விடுத்துள்ள அழைப்பின் பிரகாரம் குறித்த கடையடைப்பு மேற்கொள்ளப்படுகின்றது. இன்று காலை 6 மணி முதல் கடைகள் முழுவதும் அடைக்கப்பட்டுள்ளதாக தெரிவிக்கப்பட்டுள்ளது.
அதேவேளை தூத்துக்குடி துப்பாக்கி சூட்டை கண்டித்து புதுவை சுதேசி மில் அருகே நாளை அனைத்து கட்சிகள் சார்பில் கண்டன ஆர்ப்பாட்டம் நடைபெறவுள்ளது. தி.மு.க. அலுவலகத்தில் அரசியல் கட்சிகள், அமைப்புகள் சார்பில் நேற்று நடைபெற்ற ஆலோசனை கூட்டத்தில் ஸ்டெர்லைட் ஆலையை நிரந்தரமாக மூட வேண்டும் என போராட்டத்தில் ஈடுபட்ட பொதுமக்கள் மீது துப்பாக்கி சூடு நடத்திய தமிழக காவல்துறையினரை கண்டித்து தீர்மானம் நிறைவேற்றப்பட்டது. அத்துடன் நாளை வெள்ளிக்கிழமை காலை 10 மணிக்கு அனைத்து கட்சிகள் சார்பில் கண்டன ஆர்ப்பாட்டம் நடத்துவது எனவும் தீர்மானிக்கப்பட்டுள்ளது
