24 மணிநேரத்தில் நீரில் மூழ்கி, இலங்கையில் 5 பேர் மரணம்…

இன்று காலை 8 மணியுடன் நிறைவடைந்த 24 மணிநேரத்துக்குள் நீரில் மூழ்கி 5 பேர் உயிரிழந்துள்ளனர். களுத்துறை- கெலிடோ கடலுக்கு குளிக்கச் சென்ற 11 வயதான இரண்டு சிறுமிகள் கடலில் மூழ்கியதையடுத்து, காப்பாற்றப்பட்டு நாகொட வைத்தியசாலையில் அனுமதிக்கப்பட்ட பின்னர் நேற்று (21.07.18) இரவு உயிரிழந்துள்ளனர்.

இதேவேளை, நேற்று மாலை வெயாங்கொடை- தல்கஸ்மொடே – எனிகட்டுவ பகுதியில் உள்ள தீஎல்ல ஆற்றுக்கு குளிக்கச் சென்ற 16 மற்றும் 17 வயதான இருவர் நீரில் மூழ்கி உயிரிழந்துள்ளனர். மேலும் மஸ்கெலியா, லாஜ்வில் பகுதியின் கார்ட்மோர் ஆற்றில் குளிக்கச் சென்ற 69 வயதான பெண்ணொருவர் நீரில் மூழ்கி உயிரிழந்துள்ளதாக மஸ்கெலியா காவற்துறையினர் தெரிவித்துள்ளனர்.