அமெரிக்காவின் புளோரிடா, வேர்ஜினியா, வடக்கு கரோலினா, ஜோர்ஜியா ஆகிய மாநிலங்களைத் தாக்கிய மைக்கேல் புயல் காரணமாக உயிரிழந்தோரின் எண்ணிக்கை 30 ஆக உயர்வடைந்துள்ளதாக தெரிவிக்கப்பட்டுள்ளது.
கடந்த வாரம் உருவான இந்த மைக்கேல் புயல் மணிக்கு சுமார் 250 கிலோமீட்டர் வேகத்தில் புளோரிடா மாகாணத்தை கடந்தபோது கடுமையான சேதத்தை ஏற்படுத்தியிருந்தது. அங்கிருந்து மெல்ல நகர்ந்து வேர்ஜினியா மாநிலத்துக்குள் நுழைந்த மைக்கேல் புயல் அங்கும் பெரும் சேதம் ஏற்படுத்தியிருந்தது.
அதனையடுத்து வடக்கு கரோலினா, ஜோர்ஜியா ஆகிய மாநிலங்களை தாக்கிய மைக்கேல் புயலினால் உயிரிழந்தவர்களின் எண்ணிக்கை தற்போது 30 ஆக உயர்ந்துள்ளது எனவும் அதில் அதிகமாக 20 பேர் புளோரிடாவில் உயிரிழந்துள்ளதாகவும் தெரிவிக்கப்பட்டுள்ளது.
மேலும் வேர்ஜினியாவில் 6 பேரும், வடக்கு கரோலினாவில் 3 பேரும், ஜோர்ஜியா மாநிலத்தில் ஒருவரும் உயிரிழந்ததாகவும் தெரிவிக்கப்பட்டுள்ளது.
