මඩකලපුව නගරයේ අපවිත්රව දක්නට ලැබුනු ආහාර සැලක් ලබන 15 වන දින දක්වා වසා තබන ලෙසට මඩකලපුව මහේස්ත්රාත් අධිකරණ විනිසුරු එම්.ගනේෂරාජා මහතා නියෝග කර ඇත.
මෙම හෝටලයේ අයිතිකරු අත් අඩංගුවට ගෙන උසාවියට ඉදිරිපත් කල විට රුපියල් පනස් දහසක හා ශරීර ඇප දෙකක් මත විනිසුරු නිදහස් කර ඇත.
මඩකලපුව නගරයේ පොදු සෞඛය පරීක්ෂකවරුන් සෝදිසි කල විට මෙම ආහාර සැලින් භාවිතයට ගත නොහැකි ආහාර හා වැසිකිලිය තුල මස් තොගයද හමුවී තිබේ.
සෞඛ්යයට අහිතකර අන්දමින් බලපත්ර නොමැතිව ආහාර සැල පවත්වාගෙන ගිය බැවින් මෙම හෝටල් අයිතිකරු කෙරෙහි සෞඛය පරීක්ෂකවරුන් නඩු පවරා ඇත.
මෙම ආහාර සැලේ පිරිසුදතාවය රැකී ඒ සම්බන්ධයෙන් සෞඛ්ය පරීක්ෂකවරුන් වාර්තාව ඉදිරිපත් කිරිමෙන් අනතුරුව මෙම හෝටලය විවෘත කිරීම සම්බන්ධයෙන් තීරණ ගන්නා බවට පුලියන්තීවු පොදු සෞඛ්ය පරීක්ෂක එස්.අමුදමාලන් මහතා පැවසීය.