தோட்ட தொழிலளர்களுக்கு ஆதரவாக யாழ்.பல்கலைகழக சமூகமும் போராட்டத்தில் குதிப்பு.

குளோபல் தமிழ்ச் செய்தியாளர் யாழ்ப்பாணம்
தோட்ட தொழிலாளர்களின் போராட்டத்திற்கு ஆதரவு தெரிவித்து யாழ்.பல்கலைகழகத்தில் கவனயீர்ப்பு போராட்டம் ஒன்று முன்னெடுக்கப்பட்டது.
யாழ்.பல்கலைகழக வளாகத்தினுள் இன்று மதியம் முன்னெடுக்கப்பட்ட குறித்த கவனயீர்ப்பு போராட்டத்தின் போது பலர் கலந்து கொண்டு இருந்தனர்.

யாழ் பல்கலைக்கழக மாணவர் ஒன்றியம் மற்றும் ஊழியர் சங்கத்தின் ஏற்பாட்டில் குறித்த போராட்டம் முன்னெடுக்கப்பட்டது.

தோட்டத்தொழிலார்களின் விடயத்தில் அரசாங்கம் உடனடியாக நடவடிக்கை எடுக்கவேண்டும் எனவும் ஆயிரம் ரூபா சம்பளமும் வாரத்தில் ஆறுநாள் வேலை வாய்ப்பும் அவர்களுக்கு வழங்கப்படுவதை அரசாங்கம் உறுதிப்படுத்தவேண்டும் என்றும் இதன்போது வலியுறுத்தப்பட்டது