டெல் ஸ்டெய்ன் உபாதையினால் பாதிப்பு

குளோபல் தமிழ்ச் செய்தியாளர் கொழும்பு
தென் ஆபிரிக்காவின் நட்சத்திர வேகப்பந்து வீச்சாளர் டெல் ஸ்டெய்ன் உபாதையினால் பாதிக்கப்பட்டுள்ளார். டெல் ஸ்டெய்னின் வலது தோள்பட்டையில் உபாதை ஏற்பட்டுள்ளது. இதனால் அவுஸ்திரேலிய அணிக்கு எதிரான போட்டியின் இடை நடுவிலேயே ஸ்டெய்ன் மைதானத்தை விட்டு வெளியேற நேரிட்டது.

மிகச் சிறந்த முறையில் பந்து வீசிக்கொண்டிருந்த போது அவர் இவ்வாறு உபாதைக்கு உள்ளாகியிருந்தார். உபாதையின் தன்மை மற்றும் எவ்வளவு காலம் ஓய்வு பெற்றுக்கொள்ள வேண்டும் என்பது பற்றிய விபரங்கள் வெளியிடப்படவில்லை.