மாம்பலம் புகையிரத நிலையத்தில் மத்திய அரசைக் கண்டித்து புகையிரத மறியல் போராட்டம் நடத்திய திமுக செயல் தலைவர் ஸ்டாலின் உள்ளிட்ட திமுகவினரை பொலீசார் கைது செய்துள்ளனர் என இந்திய செய்திகள் தெரிவிக்கின்றன.
ஜல்லிக்கட்டுக்கு ஆதரவு தெரிவித்து திமுகவினர் மாநிலம் முழுவதும் புகையிரத மறியல் போராட்டத்தில் ஈடுபட்டு வருகின்றனர். இதனையடுத்து திமுக செயல் தலைவர் மு.க.ஸ்டாலின் தலைமையில் மாம்பலம் புகையிரத நிலையத்தில் மறியல் போராட்டத்தில் ஏராளமான திமுகவினர் ஈடுபட்டிருந்தனர்.
இதேவேளை எழும்பூர் புகையிரத நிலையத்தில் முன்னாள் மத்திய அமைச்சர் தயாநிதிமாறன், நாடாளுமன்ற உறுப்பினர் கனிமொழி திமுக சட்டமன்ற உறுப்பினர் சேகர்பாபு உள்ளிட்ட திமுகவினர் மறியல் போராட்டம் நடத்தினர். இதனைத் தொடர்ந்து தயாநிதிமாறன், கனிமொழி உள்ளிட்டோரும் கைது செய்யப்பட்டுள்ளதாக தெரிவிக்கப்பட்டுள்ளது.
