சத்தீஸ்கர் மாநிலத்தில் 10 மாவோயிஸ்டுகள் சுட்டுக்கொல்லப்பட்டுள்ளனர்.

இந்தியாவின் சத்தீஸ்கர் மாநிலத்தில் மத்திய ரிசர்வ் பொலீஸார் இன்று மேற்கொண்ட தாக்குதலில் 10 மாவோயிஸ்டுகள் சுட்டுக்கொல்லப்பட்டுள்ளதுடன்  5 பேர் படுகாயமடைந்துள்ளதாகவும் இந்திய செய்திகள் தெரிவிக்கின்றன.   சத்தீஷ்கர் மாநிலத்தில் நேற்று மாவோயிஸ்ட்டுகள் நடத்திய தாக்குதலில் தமிழகத்தைச் சேர்ந்த 4 பேர் உட்பட 26 மத்திய ரிசர்வ் பொலீஸார் கொல்லப்பட்டனர்.

அதனைத்தொடர்ந்து  இன்று மத்திய ரிசர்வ் பொலிசார்  தேடுதல் நடவடிக்கையில் ஈடுபட்டபோது காட்டுப்பகுதியில் ஒழித்திருந்த  மாவோயிஸ்டுகள் தாக்குதல் மேற்கொண்டுள்ளனர். இதனைத் தொடர்ந்து  மத்திய ரிசர்வ் பொலீஸார் மேற்கொண்ட பதில் தாக்குதலிலேயே  10 மாவோயிஸ்டுகள் கொல்லப்பட்டுள்ளதாக தெரிவிக்கப்பட்டுள்ளது.