கூகிள் நிறுவனத்திற்கு எதிராக ஐரோப்பிய ஒன்றியம் பாரிய அபராதம் விதித்துள்ளது

குளோபல் தமிழ்ச் செய்தியாளர்
கூகிள் நிறுவனத்திற்கு எதிராக ஐரோப்பிய ஒன்றியம் பாரிய அபராதம் விதித்துள்ளது. வர்த்தக ஒப்பீடு தொடர்பிலான விடயங்களில் கூகிள் நிறுவனம் ஒழுக்க விதிகளை மீறி பக்கச்சார்பாக தனது விற்பனை ஒப்பீட்டு நிறுவனங்களை ஊக்குவிக்கும் வகையில் செயற்பட்டுள்ளதாகக் குற்றம் சுமத்தப்பட்டுள்ளது.

இதன் அடிப்படையில் கூகிள் நிறுவனத்திற்கு, ஐரோப்பிய ஒன்றியம் 2.7 பில்லியன் அமெரிக்க டொலர்களை அபராதமாக விதித்துள்ளது. 90 நாட்களுக்குள் தற்போதைய நடைமுறைகளில் மாற்றம் செய்யப்படாவிட்டால் மேலதிக அபராதத்தை செலுத்த நேரிடும் எனவும் ஐரோப்பிய ஒன்றியம் அறிவித்துள்ளது.