தேரா சச்சாசவுதா அமைப்பின் தலைவர் குர்மீத் ராம் ரகீம் சிங் பாலியல் துஸ்பிரயோக வழக்கில் கலவரம் வெடிக்கும் என தெரிந்தும் ஏன் 144 தடை உத்தரவு பிறப்பிக்கவில்லை என பஞ்சாப், அரியானா அரசுகளுக்கு உயர்நீதிமன்றம் கண்டனம் தெரிவித்துள்ளது.
குர்மீத் ராம் ரகீம் சிங் குற்றவாளி என சி.பி.ஐ. நீதிமன்றம் நேற்று அறிவித்தனையடுத்து ஏற்பட்ட கலவரத்தினால் பஞ்சாப், அரியானா மாநிலங்களில் பெரும் உயிர்ச்சேதமும், பொருட்சேதமும் ஏற்பட்டது. இந்நிலையிலேயே பஞ்சாப், அரியானா அரசுகளுக்கு உயர்நீதிமன்றம் கண்டனம் தெரிவித்துள்ளது.
கலவரம் வெடிக்கும் என தெரிந்தும் ஏன் 144 தடை உத்தரவு பிறப்பிக்கவில்லை எனவும் கலவரத்தை முன்கூட்டியே ஏன் தடுக்க நடவடிக்கை எடுக்கவில்லை எனவும் கேள்வி எழுப்பிய நீதிபதிகள் குர்மீத்தின் சொத்துகளை முடக்கவும் உத்தரவிட்டுள்ளனர்.
மேலும் கலவரத்தில் உயிர் இறந்தவர்களின் குடும்பத்தினருக்கும், பாதிக்கப்பட்டவர்களுக்கும் அந்த சொத்துகளை விற்று நஷ்ட ஈடு வழங்க நடவடிக்கை எடுக்குமாறும் இரு மாநில அரசுகளுக்கும் நீதிபதிகள் ஆலோசனை வழங்கி உள்ளனர்.
