சாவகச்சேரி பகுதியில் இடம்பெற்ற விபத்தில் இரு இளைஞர்கள் உயிரிழப்பு

குளோபல் தமிழ்ச் செய்தியாளர்
யாழ்.சாவகச்சேரி பகுதியில் இடம்பெற்ற சொகுசு பேரூந்து மோட்டார் சைக்கிள் விபத்தில் இரு இளைஞர்கள் உயிரிழந்துள்ளனர். சாவகச்சேரி நுணாவில் பகுதியில் நேற்று ஞாயிற்றுக்கிழமை இரவு 9.30 மணியளவில் குறித்த விபத்து சம்பவம் இடம்பெற்றுள்ளது.

நுணாவிலை சேர்ந்த யோ.சபேஸ்குமார் (வயது 35) மற்றும் அதேயிடத்தை சேர்ந்த க.மோகன் (வயது 34) ஆகிய இருவருமே உயிரிழந்தவர்கள் ஆவார்கள்.  யாழில் இருந்து கொழும்பு நோக்கி பயணித்த சொகுசு பேரூந்தும் , சாவகச்சேரியில் இருந்து நுணாவில் நோக்கி சென்ற மோட்டார் சைக்கிளும் நேருக்கு நேர் மோதியதாலையே குறித்த விபத்து இடம்பெற்றுள்ளதாக தெரிவிக்கப்படுகின்றது.

விபத்து தொடர்பிலான விசாரணைகளை சாவகச்சேரி  காவல்துறையினர் முன்னெடுத்து வருகின்றனர்.