குளோபல் தமிழ்ச் செய்தியாளர்
பிரபல கார்பந்தய வீரர் மைக்கல் சூமாக்கருடன் தம்மை ஒப்பீடு செய்ய முடியாது என முதனிலை கார்பந்தய வீரர் லுயிஸ் ஹமில்டன் தெரிவித்துள்ளார். போர்மியுலா வன் போட்டிகளில் சூமாக்கர் படைத்துள்ள சாதனைகளை தம்மால் முறியடிக்க முடியும் என நினைக்கவில்லை என அவர் குறிப்பிட்டுள்ளார்.
பேர்ர்மியுலா வன் கார்பந்தய போட்டிகளில் சூமாக்கர் ஏழு உலக சம்பியன் பட்டங்களை வென்று சாதனை படைத்துள்ளார் என்பது குறிப்பிடத்தக்கது. இந்த உலக சாதனைகளை நெருங்கும் அளவிற்கு தாம் நீண்ட காலம் போட்டிகளில் பங்கேற்கக்கூடிய சாத்தியமில்லை என அவர் குறிப்பிட்டுள்ளார்.
நான்கு உலக சம்பியன் பட்டங்களை வென்றெடுப்பதற்கு பத்து ஆண்டுகள் கடந்துவிட்டதாகத் தெரிவித்துள்ள லுயிஸ் ஹமில்டன் , சூமாக்கரின் சாதனையை முறியடிக்க வேண்டும் என்ற எண்ணம் தமக்குக் கிடையாது எனவும் சுட்டிக்காட்டியுள்ளார்.
