எகிப்த்தி கெய்ரோ ஹெல்வான் நகர கிறிஸ்தவ தேவாலயத்தில் தாக்குதல் பலர் பலி….

எகிப்து தலைநகர் கெய்ரோ அருகில் உள்ள கிறிஸ்தவ தேவாலயத்திற்குள் நுழைந்து தீவிரவாதி நடத்திய துப்பாக்கிச்சூட்டில் குறைந்தது 10 பேர் கொல்லப்பட்டுள்ளனர். எகிப்து தலைநகர் கெய்ரோ அருகில் அமைந்துள்ள ஹெல்வான் நகரில் உள்ள கிறிஸ்தவ தேவாலயத்திற்குள் இன்று, ஒரு தீவிரவாதி துப்பாக்கியுடன் நுழைய முயன்றுள்ளார். அப்பகுதியில் பாதுகாப்பு பணியில் இருந்த காவற்துறையினர் மற்றும் ராணுவத்தினர் அவரை தடுத்து நிறுத்த முயன்றுள்ளனர். இதனையடுத்து, தான் வைத்திருந்த துப்பாக்கியால் அங்கிருந்தவர்களை நோக்கி சரிமாரியாக துப்பாக்கியால் சுட்டதில், ராணுவ வீரர்கள் உள்ளிட்ட 10 பேர் கொல்லப்பட்டதாக கூறப்படுகிறது. தாக்குதல் நடத்திய தீவிரவாதியையும் ராணுவத்தினர் சுட்டுக்கொன்றுள்ளனர். இந்த தாக்குதலில் ஐந்து பேர் காயமடைந்துள்ளதாகவும் உள்துறை அமைச்சகம் தெரிவித்துள்ளது.