20 ஓவர் கிரிக்கெட் போட்டியில் அதிக ஓட்டங்களை அடித்த இந்திய வீரர்கள் பட்டியலில் விராட் கோலியை பின்னுக்கு தள்ளி ரோகித் சர்மா முதலிடம் பிடித்துள்ளார். இந்தியா- மேற்கிந்தியதீவுகள் அணிகளுக்கு இடையேயான 2-வது 20 ஓவர் கிரிக்கெட் போட்டி இன்று லக்னோவில் எகனா மைதானத்தில் நடைபெற்ற நிலையில் இந்திய அணி வெற்றியீட்டியதுடன் தொடரையும் கைப்பற்றியுள்ளது.
இந்தப்போட்டியில், ரோகித் சர்மா 17 ஓட்டங்களை எடுத்த போது சர்வதேச 20 ஓவர் கிரிக்கெட் போட்டியில் அதிக ஓட்டங்களை அடித்த இந்திய வீரர்கள் பட்டியலில் விராட் கோலியை பின்னுக்கு தள்ளி முதலிடம் பெற்றுள்ளார்.விராட் கோலி 62 இருபது ஓவர் போட்டிகளில் விளையாடி 2102 ஓட்டங்களை எடுத்துள்ளார். இதன்மூலம் ரோகித் சர்மா தனது 86-வது போட்டியில், விராட் கோலியை முந்தியுள்ளார்.
இந்தநிலையில் தற்போது 20 ஓவர்கள் போட்டியில் அதிக ரன்கள் அடித்த இந்திய வீரர்கள் பட்டியலில், ரோகித் சர்மா முதலிடத்திலும் விராட் கோலி இரண்டாம் இடத்திலும் உள்ளனர்.
