டாக்காவில் நடைபெற்ற முதல் ஒருநாள் போட்டியில் மேற்கிந்திய தீவுகள் அணியை 5 விக்கெட் வித்தியாசத்தில் வீழ்த்தி பங்களாதேஸ் அணி வெற்றியீட்டியுள்ளது
மேற்கிந்திய தீவுகள் அணி பங்களாதேசுக்கு சுற்றுப்பயணம் செய்து 2 டெஸ்ட், 3 ஒருநாள் போட்டி, 3 இருபதுக்கு 20 போட்டிகள் கொண்ட தொடரில் விளையாடி வருகின்ற நிலையில் டெஸ்ட் தொடரினை 2-0 என்ற கணக்கில் பங்களாதேஸ் கைப்பற்றியிருந்தது.
இந்நிலையில், இன்று நடைபெற்ற முதலாவது ஒருநாள் போட்டியில் நாணயச்சுழற்சியில் வென்ற மேற்கிந்திய தீவுகள் அணி முதலில் துடுப்பெடுத்தாட தீர்மானித்து நிர்ணயிக்கப்பட்ட 50 ஓவர் முடிவில் 9 விக்கெட்டுக்கு 195 ஓட்டங்களை எடுத்தது.
இதையடுத்து, 196 ஓட்டங்கள் என்ற வெற்றி இலக்குடன் வங்காள களமிறங்கிய பங்களாதேஸ் அணி 35.1 ஓவரில் 5 விக்கெட்டுக்கு 196 ஓட்டங்கள் எடுத்து வெற்றி பெற்று 1 – 0 என தொடரில் முன்னிலை வகிக்கிறது. ஆட்ட நாயகன் விருதை மஷ்ரப் மோர்டசா பெற்றுள்ளார்.
