வல்வெட்டித்துறை உதயசூரியன் கடற்கரையில் இடம்பெற்ற பட்டம் ஏற்றும் போட்டி

குளோபல் தமிழ்ச் செய்தியாளர்

வல்வெட்டித்துறை உதயசூரியன் கடற்கரையில் பட்டம் ஏற்றும் போட்டி நேற்று ஞாயிற்றுக்கிழமை இடம்பெற்றது. குறித்த போட்டியில் பல விதமான பட்டங்கள் அறுபது ஏற்றப்பட்டன. அவற்றில் பறக்கும் மேடையில் பொம்மலாட்டம் பட்டம் முதலிடத்தை பெற்றுக்கொண்டது. அந்த பட்டத்தினை வடிவமைத்த ம.பிரசாந்த்க்கு 15ஆயிரம் ரூபாய் பணமும் , 1பவுண் தங்க நாணயமும் வழங்கப்பட்டது.

அன்னப்படகு பட்டம் இரண்டாம் இடத்தை பெற்றுக்கொண்டது. அதனை வடிவமைந்த ம.ஆரோக்கிக்கு அரை பவுண் தங்க நாணயமும் , 10ஆயிரம் ரூபாய் பரிசும் வழங்கப்பட்டது. மூன்றாம் இடத்தை உருமாறும் ரான்ஸ்போமர் பெற்றுக்கொண்டது. அதனை வடிவமைத்த வெ.ராஜேந்திரனுக்கு துவிசக்கர வண்டி ஒன்றும் , 5ஆயிரம் ரூபாய் பணமும் பரிசாக வழங்கப்பட்டது.