பாகிஸ்தானின் இராணுவத் தளபதி ஜனாதிபதி – பிரதமரை சந்திக்கவுள்ளார்…

குளோபல் தமிழ்ச் செய்தியாளர்..

இலங்கைக்கு பயணம் செய்துள்ள பாகிஸ்தானின் இராணுவத் தளபதி ஜெனரால் கமார் ஜவாட் பஜ்வா, ஜனாதிபதி மைத்திரிபால சிறிசேனவையும் பிரதமர் ரணில் விக்ரமசிங்கவையும் இன்றைய தினம் சந்திக்கவுள்ளார். இந்த சந்திப்பின் போது இருநாடுகளுக்கும் இடையிலான பல முக்கிய விடயங்கள் குறித்து ஆராயப்படவுள்ளதாக தெரிவிக்கப்படுகிறது.

இதேவேளை, பாகிஸ்தானின் இராணுவத் தளபதி, இலங்கை இராணுவத் தளபதி மஹேஸ் சேனாநாயக்கவை நேற்றைய தினம் சந்தித்து பேச்சுவார்த்தை நடத்தியிருந்தார். இந்த சந்திப்பின் போது இருநாட்டு இராணுவத்துக்கு இடையிலான கூட்டுப் பயிற்சிகளுக்கான வாய்ப்புகள் மற்றும் இராணுவ தொடர்பு விரிவாக்கல் குறித்து கலந்துரையாடப்பட்டுள்ளது. குறிப்பாக இலங்கை இராணுவத்தினருக்கு பாகிஸ்தானில் பயிற்சிகளை அதிகரிப்பது தொடர்பில் ஆராயப்பட்டதாக தெரிவிக்கப்பட்டுள்ளது.