ஐ.பி.எல். தொடருக்கான சென்னை சூப்பர் கிங்ஸ் அணியின் பந்துவீச்சின் பயிற்சியாளராக எல்.பாலாஜி நியமிக்கப்பட்டுள்ளார். 10வது ஐ.பி.எல். தொடர் ஏப்ரல் 4ம் திகதி முதல் மே 31ம் திகதி வரை இடம்பெறவுள்ள நிலையில் இவ்வாறு நியமிக்கப்பட்டுள்ளார்
2 ஆண்டுகள் தடையின் பின்னர் சென்னை சூப்பர் கிங்ஸ் மற்றும் ராஜஸ்தான் ரோயல்ஸ் அணிகள் இந்தமுறை ஐ.பி.எல். தொடரில் விளையாடுகின்றன. முதல் 8 தொடரிலும் சென்னை சூப்பர் கிங்ஸ் அணித் தலைவராக இருந்த டோனி, ரெய்னா, ஜடேஜா ஆகியோரை இம்முறையும சென்னை சூப்பர் கிங்ஸ் அணி இணைத்துக் கொண்டுள்ளது..
சென்னை சூப்பர் கிங்ஸ் அணிக்கு ஏற்கனவே பயிற்சியாளராக நியூசிலாந்து அணியின் முன்னாள் அணித்தலைவர்; ஸ்டீபன் பிளமிங் நியமிக்கப்பட்டுள்ளார். இந்த நிலையில் சென்னை சூப்பர் கிங்ஸ் அணியின் பந்துவீச்சு பயிற்சியாளராக எல்.பாலாஜி நியமிக்கப்பட்டுள்ளார். இந்திய அணியின் முன்னாள் வேகப்பந்து வீரரான சென்னையை சேர்ந்த எல்.பாலாஜி கடந்த முறை கொல்கத்தா நைட்ரைடர்ஸ் அணியின் பந்துவீச்சு பயிற்சியாளராக இருந்தார் என்பது குறிப்பிடத்தக்கது
