பிணை முறி கொடுக்கல் வாங்கல்கள் தொடர்பிலான வழக்கில் மத்திய வங்கியின் முன்னாள் ஆளுனர் அர்ஜூன் மகேந்திரன் , ட்ரசரீஸ் நிறுவனத்தின் பிரதம நிறைவேற்று அதிகாரி அர்ஜூன் அலோசியஸ் கசுன் பலியசேன ஆகிய மூன்று பேரை கொழும்பு கோட்டை நீதவான் நீதிமன்றம் சந்தேகநபர்களாக பட்டியலிட்டுள்ளது
சம்பவம் தொடர்பாக குற்றப்புலனாய்வுப் பிரிவினரால் மேற்கொள்ளப்படுகின்ற விசாரணைகளுக்ககமைவாக இவர்கள் மூவரும் சந்தேகநபர்களாக பெயரிடப்பட்டுள்ளதாக குறிப்பிடப்பட்டுள்ளது. குற்றப் புலனாய்வுத் திணைக்களத்தினால் தாக்கல் செய்யப்பட்டுள்ள மனு மீதாக வழக்கு இன்றையதினம் விசாரணைக்கு வந்த போதே மேற்படி தீர்மானம் அறிவிக்கபப்பட்டுள்ளது.
மேலும் அர்ஜூன் மகேந்திரனை எதிர்வரும் 15ம் திகதிக்கு முன்னர் குற்றப் புலனாய்வுத் திணைக்களத்தில் முன்னிலையாகி வாக்குமூலம் அளிக்குமாறு உத்தரவிட்ட நீதிமன்றம் வழக்கினை எதிர்வரும் 16ம் திகதிக்கு ஒத்திவைத்துள்ளது
