குளோபல் தமிழ்ச் செய்தியாளர்
அமெரிக்காவில் ஜிம்னாஸ்டிக் வீராங்கனைகளை பாலியல் ரீதியாக துன்புறுத்தியதாக குற்றம் சுமத்தப்பட்டுள்ள மருத்துவரை, வீராங்கனைகளின் தந்தையொருவர் தாக்குவதற்கு முயற்சித்துள்ளார். நீதிமன்றில் வழக்கு விசாரணைகள் நடத்தப்பட்டிருந்த வேளையில் இவ்வாறு தாக்குதல் நடத்த முயற்சிக்கப்பட்டுள்ளது. அமெரிக்க ஜிம்னாஸ்டிக் தேசிய அணியின் மருத்துவர் மீது இவ்வாறு பாலியல் துஸ்பிரயோக குற்றச்சாட்டு சுமத்தப்பட்டுள்ளது.
மிச்சிகன் நீதிமன்றில் இந்த வழக்கு விசாரணைகள் நடைபெற்ற போது, பாதிக்கப்பட்ட வீராங்கனைகளின் தந்தையொருவர் மருத்துவரை தாக்குவதற்கு முயற்சித்துள்ளார். லாரி நாசார் என்ற மருத்துவர் மீதே இவ்வாறு தாக்குதல் நடத்த முயற்சிக்கப்பட்டுள்ளது.
ஜிம்னாஸ்டிக் வீராங்கனைகளான Lauren மற்றும் Madison Margraves ஆகிய இரண்டு மகள்களும் நீதிமன்றில் கண்ணீர் மல்க தமக்கு நேர்ந்த கொடுமைகளை தெரிவித்த போது, அவர்களின் தந்தை மருத்துவரை தாக்குதவற்கு முயற்சித்துள்ளார். நீதிமன்றில் பாதுகாப்பு கடமையில் ஈடுபட்டிருந்த காவல்துறையினர் வீராங்கனைகளின் தந்தையை பிடித்து தாக்குதல் நடத்துவதனை தடுத்து நிறுத்தியுள்ளனர்.
