தென்னாபிரிக்காவுக்கு எதிரான இருபதுக்கு இருபது தொடரினை இந்தியா கைப்பற்றியுள்ளது

தென்னாபிரிக்காவுக்கு எதிரான இருபதுக்கு இருபது தொடரின் இறுதிப் போட்டியினை வென்றதன் மூலம் இந்திய இணி தொடரை வென்றுள்ளது. முதலில்துடுப்பெடுத்தாடிய இந்திய அணி நிர்ணயிக்கப்பட்ட 20 ஓவர்களில் 7 விக்கெட் இழப்புக்கு 172 ஓட்டங்களைப் பெற்றது. இதனைத் தொடர்ந்து 173 என்ற வெற்றி இலக்குடன் களமிறங்கிய தென்னாபிரிக்க அணி 20 ஓவர் முடிவில் 6 விக்கெட் இழப்புக்கு 165 ஓட்டங்களை மாத்திரமே பெற்றது. இதனால் இந்தியா 7 ஓட்ட வித்தியாசத்தில் வெற்றி பெற்றது.

இந்த வெற்றி மூலம் இந்தியா 2-1 என்ற கணக்கில் 20 ஓவர் தொடரை கைப்பற்றியது. இந்திய அணி ஏற்கனவே ஒருநாள் தொடரை 5-1 என்ற கணக்கில் கைப்பற்றயிருந்ததுடன் டெஸ்ட் தொடரை 1-2 என்ற கணக்கில் இழந்திருந்தமை குறிப்பிடத்தக்கது