ரொஜர் பெடரர் தரவரிசையில் முதலிடத்தை தக்க வைத்துள்ளார்

சர்வதேச டென்னிஸ் தரவரிசை பட்டியலில் ரொஜர் பெடரர் முதலிடத்தை தக்கவைத்துக் கொண்டுள்ளார். சர்வதேச டென்னிஸ் தரவரிசை பட்டியல் நேற்று வெளியிடப்பட்டது. இதில் ஆடவர் ஒற்றையர் பிரிவில் 20 கிராண்ட் ஸ்லாம் பட்டங்கள் வென்றுள்ள சுவிட்சர்லாந்தின் ரொஜர் பெடரர் 10,105 புள்ளிகளுடன் முதலிடத்தை தக்கவைத்துக் கொண்டுள்ளார்.

ஸ்பெயினின் ரபேல் நடால் 9,760 புள்ளிகளுடன் 2-வது இடம் வகிக்கிறார். குரோஷியாவின் மரின் சிலிச், பல்கேரியாவின் கிரிகோர் டிமிட்ரோவ், ஜெர்மனியின் அலெக்சாண்டர் ஜிவெரேவ், ஒஸ்ரியாவின் டொமினிக் தியம், பெல்ஜியத்தின் டேவிட் கோபின், தென் ஆபிரிக்காவின் கெவின் அண்டர்சன், அர்ஜென்டினாவின் ஜூயன் மார்ட்டின் டெல் போட்ரோ, அமெரிக்காவின் ஜேக் சோக் ஆகியோர் 3 முதல் 10-வது இடங்களில் உள்ளனர் என்பது குறிப்பிடத்தக்கது.