இண்டியன் வெல்ஸ் டென்னிஸ் போட்டியில் டெல் போட்ரோ (del Potro) சம்பியன் பட்டத்தைக் கைப்பற்றியுள்ளார். அமெரிக்காவின் இண்டியன் வெல்ஸ் நகரில் இடம்பெற்ற இந்தப் போட்டித் தொடரின் ஆண்கள் ஒற்றையர் பிரிவின் இறுதிப் போட்டியில் முதல்தர வீரரான சுவிட்சர்லாந்தின் ரோஜர் பெடரருக்கும் அர்ஜெண்டினாவின் ஜூவான் டெல் போட்ரோவுக்கும் டையில் போட்டி இடம்பெற்றது. போட்டியின் இறுதியில் டெல் போட்ரோ, 6-4, 6-7 (8-10), 7-6 (7-2) என்ற செட் கணக்கில் வெற்றி பெற்று சம்பியன் பட்டத்தை கைப்பற்றியுள்ளார்.
அதேவேளை இந்தப் போட்டியின் பெண்களுக்கான ஒற்றையர் பிரிவின் இறுதிப்போட்டியில் ஜப்பானின் நவோமி ஒசாகா (Naomi Osaka) சம்பியன் பட்டத்தினை கைப்பற்றியுள்ளார். நவோமி ஒசாகாவுக்கும் ரஸ்யாவின் டேரியா கசட்கினாவும் இடையில் இடம்பெற்ற போட்டியில் நவோமி 6-3, 6-2 என்ற நேர் செட்களில் கைப்பற்றி சாம்பியன் பட்டத்தினை கைப்பற்றியுள்ளார்.
