ஐ.தே.க மே தினக் கூட்டத்தில் பின்வரிசை உறுப்பினர்கள் பங்கேற்பார்களா?

குளோபல் தமிழ்ச் செய்தியாளர்…

ஐக்கிய தேசியக் கட்சியின் மே தினக் கூட்டத்தில் கட்சியின் பின்வரிசை உறுப்பினர்கள் பங்கேற்பார்களா என்ற சந்தேகம் எழுந்துள்ளது. ஏனெனில், இன்றைய தினம் நடைபெறவுள்ள மே தினக் கூட்டத்தை கட்சியின் பின்வரிசை உறுப்பினர்கள் பலர் பகிஸ்கரிக்க உள்ளதாகத் தெரிவிக்கப்படுகிறது. அண்மையில் கட்சியில் மேற்கொள்ளப்பட்ட மறுசீரமைப்பு பணிகள் தொடர்பில் அதிருப்தி அடைந்துள்ள உறுப்பினர்கள் இவ்வாறு கூட்டத்தை பகிஸ்கரிக்க உள்ளனர். கொழும்பு சுகததாச மைதானத்தில் மே தினக் கூட்டம் நடத்தப்பட உள்ளது. கட்சியின் சில உறுப்பினர்கள் சுகயீனம் எனக் காரணம் காண்பித்து மே தினக் கூட்டத்தை பகிஸ்கரிக்கக் கூடும் என கட்சி வட்டாரத் தகவல்கள் தெரிவிக்கின்றன.