தூத்துக்குடி கொலைகளை கண்டித்து கிழக்கில் ஆர்ப்பாட்டங்கள்

தமிழகம் தூத்துக்குடியில் மக்கள் போராட்டத்தின் மீது காவல்துறையினர் மேற்கொண்ட துப்பாக்கி சூட்டை கண்டித்தும் உயிரிழந்தவர்களுக்கு அஞ்சலி செலுத்தியும் இன்று மட்டக்களப்பிலும் திருகோணமலையிலும் ஆர்;ப்பாட்டங்கள் இடம்பெற்றுள்ளன. அந்தவகையில் இன்று மட்டக்களப்பு காந்திபூங்காவில் தமிழ் தேசிய மக்கள் முன்னணியின் ஏற்பாட்டில் கண்டன ஆர்ப்பாட்டமும் அஞ்சலி நிகழ்வும் இன்று காலை நடைபெற்றது.

இதன்போது தூத்துக்குடியில் சுட்டுக்கொல்லப்பட்டவர்களுக்கு நினைவுச்சுடர் ஏற்றப்பட்டு அஞ்சலி செலுத்தப்பட்டதுடன் கொல்லப்பட்டவர்களுக்கு நீதி வேண்டி கண்டன ஆர்ப்பாட்டமும் நடைபெற்றது. இதேவேளை இந்த துப்பாக்கிச் சூட்டு சம்பவத்தை கண்டித்து திருகோணமலையிலும் இன்று காலை ஆர்ப்பாட்டம் இடம்பெற்றுள்ளமை குறிப்பிடத்தக்கது