சட்டவிரோதமாக தங்கியிருந்த நைஜீரிய பிரஜை கைது

குளோபல் தமிழ்ச் செய்தியாளர்
இலங்கையில் சட்டவிரோதமாக தங்கியிருந்த நைஜீரிய பிரஜை ஒருவர் நேற்று காலி தெவட்ட பிரதேசத்தில், காலி துறைமுக காவற்துறையினரால் கைதுசெய்யப்பட்டுள்ளார். காலி,கட்டுகொட பிரதேசத்தில் உள்ள முஸ்லிம் கிராமத்தில் இருக்கும் சுற்றுலா விடுதியில் இந்த நபர் தங்கியிருந்துள்ளதாக விசாரணைகளில் தெரியவந்துள்ளது.

இந்த வெளிநாட்டுப் பிரஜை கைதுசெய்யப்படும் போது அவரிடம் 57 ஆயிரம் ரூபாய் பணம் இருந்துள்ளதுடன் அந்த பணம் எப்படி கிடைத்தது என்பதை அவரால் தெரியப்படுத்த முடியாது போனதாக காவல்துறையினர்; கூறியுள்ளனர்.இலங்கையில் தங்கியிருந்து ஏதோ ஒரு வகையான மோசடி மூலம் சந்தேக நபர் பணத்தை சம்பாதித்திருக்கலாம் என காவல்துறையினர்; சந்தேகம் வெளியிட்டுள்ளனர். சந்தேக நபர் குறித்து இலங்கையில் உள்ள நைஜீரிய தூதரகத்திற்கும் அறிவிக்கப்பட்டுள்ளது.